دامەزراوەی ڕەنێو
بۆ پەروەردە و ڕۆشنبیری

پەروەردە و پێگەیاندن دوو پایەی بنەڕەتیی زیندوومانەوە و پێشکەوتنی هەر کۆمەڵگەیەکن، ڕەنێو خزمەتکردن بەم دوو کایە گرنگەی وەک ئەرک و بەرپرسیارێتیی سەرەکی گرتووەتە ئەستۆ. کار دەکەین بۆ بەرزکردنەوەی ئاستی پەروەردە و ڕۆشنبیری لە ڕێگەی بڵاوکراوەی جۆراوجۆر، میدیایەکی هەمەلایەنی بینراو و بیستراو و پڕۆژەی پەروەردەیی پێشەنگ؛ بە ئامانجی بنیاتنانی تاکێکی ئاگادار، بەرپرسیار و کاریگەر.

پەیوەندیمان پێوە بکە بینینی پەیجی فەیسبووک

لەبارەی ئێمە

ڕەنێو دامەزراوەیەکی قازانجنەویستی ناحکومییە، کار لەسەر ڕەهەندەکانی پەروەردە و ڕۆشنبیری دەکات

ڕەنێو هەوڵ دەدات کۆمەڵگەیەک بنیات بنێت کە تاکەکانی خاوەن عەقڵێکی هۆشیار و دڵێکی بێدار و ئاکارجوان و ڕەوشتپەسندن، بۆ پەروەردگاریان فەرمانبەری ڕاستن و لەگەڵ یەکدا چاکەکار و دڵسۆزن.

ڕاستی — ڕاستی لە تێگەیشتنی دروستدا بەرجەستە دەبێت.
هاوسەنگی — هزرێکە نە تێدەپەڕێنێت و نە کورت هەڵدەهێنێت.
ڕەسەنایەتی — پابەندبوونە بە بەها باڵاکان و ئاکارە پەسندەکانەوە.

بۆ زانیاری زیاتر

ئامانجی ئێمە

ئەو بەهایانەی ڕێنماییمان دەکەن

ڕاستی

وردبینی لە تێگەیشتنی دروست و ڕاستگۆیی لە گەیاندنی پەیامدا.

ڕەسەنایەتی

پاراستنی شوناس و پابەندبوونی هەمیشەیی بە بەها و ئاکارە باڵاکانەوە.

هاوسەنگی

پەیڕەوکردنی هزرێکی میانجی؛ دوور لە تێپەڕاندن و کورتهێنان.

بوارەکانی کار

سێ بواری سەرەکیی تەواوکەر بۆ خزمەتکردنی دین و ژینی کۆمەڵگە.

کتێب و چاپەمەنی

دەوڵەمەندکردنی ئاستی ڕۆشنبیری و زانیاریی، لە ڕێگەی چاپکردن و بڵاوکردنەوەی کتێب و بڵاوکراوە، ئەنجامدانی توێژینەوەی زانستی و ڕاپرسی.

پەروەردە و پێگەیاندن

پێگەیاندنی تاک و بەهێزکردنی لایەنی پەروەردە، لە ڕێگەی ئامادەکردنی پەیڕەو و پڕۆگرامی پەروەردەیی، چالاکی مەیدانی لە خول و ڕاهێنان، کۆڕ و کۆڕبەند و سیمینار.